Daily Poll
Kan mamawh hmasakte
Who's Online
Face Button
Bial KTP Conference tluang takin
Vaivakawn Pastor Bial KTP Conference vawi 20-na tluang takin neih a ni
Vaivakawn Pastor Bial KTP Conference vawi 20-na chu (20-22 Jan, 2012) chhungin Hunthar Kohhran Biak Inah tluang taka neih a ni. Bial KTP Conference vawi 21-na chu Phunchawng Kohhran Biak Inah January 25-27, 2013 chhungin Rev R.Lalrosiama, Lecturer, ATC Speaker-a hmangin neih a ni ang. Tun tum Conference ah hian Speaker atan Upa Sanglianthanga, Tlangnuam hman a ni a. Thupui 'I nunna turin tlan chhuak rawh' (Gen.19:17) tih chu tum 4 ngaihthlak a ni. Conference rorelah Palai 167 an kal a. Thurelte hetiang hi a ni:
Branch YMA in Kumthar Committee a nei
Vaivakawn Branch YMA chuan Ni 12.1.2012 zan khan kum thar Committee a nei a. Kum 2012 chhunga Branch hnuaia mawhphurhna hrang hrang bakah thil pawimawh tam tak a rel. Chhiatni thatnia Branch kalphung te ennawn a ni a. Section din leh pawh tha a ti a, Section pali - Section - I, II, III leh IV ah te inthen leh nise a ti. Section hruaitu thlanna chu kum danga tih dan ang ni lovin Section tin a hranga inthlanna neih turin a rel a. Section hruaitu thlan hi January 26, 2012 zanah neih nise a ti. Sub-Committee 8 siam a ni a; chungte chu: Thlanmual, Land & Building, Kumpuan, Sports, Cultural, Library, Property leh Branch Information System te a ni.
Kum 2 chhung atan Branch YMA Zaipawl inruat thar nise a ti bawk a. Zaipawl Director ah Pu F.Lalrinenga, Conductor ah Pu Zohmingthanga te a ruat thar bawk.
Kum 2011 chhunga kan then takte
Kum 2011 chhungin Vaivakawn khawtlang chuan lungduh mi 20 lai kan thlahliam a. Kum thar 2012 alo thlen mek lai hian lusun chhungte kan tuarpuiin Pathian awmpuina kan duhsak hle a ni. Kan then takte chu :
VYMA OB thlan thar a ni ta
Kum 2012 atana Vaivakawn Branch YMA Office Bearers tur chu Ni 29.12.2011 zan khan thlan a ni ta a. Inthlannaah hian member 200 vel kalin heng mite hi thlanchhuah an ni:
Secretary report-a alan danin kum 2011 hian Vaivakawn Branch YMA ah member 2053 an awm a. Life member 13 an awm bawk. Inthlan hi Pu W.Chhuanawma, AMC Councillor in a kaihruai. Special Item tha tak tak ngaihthlak a ni bawk.
Kum 2012 atan KTP in hruaitu an thlang
Vaivakawn Branch KTP chuan Ni 19.12.2011 (Mon) zan khan kum 2012 atana Branch hruaitu tur an thlang
a. Heng mite hi thlan chhuah an ni:
Hruaitu atana thlan chhuah zingah Pu Lalsaimawia Sailo leh Pu Alan Lalmuanpuia te an zin avangin Nilai zan (21/12/11) ah Chanvo an insiamrem dawn a ni. Inthlan hi Pro.Pastor R.Lalmalsawman a kaihruai a; Upa Thangkima Ralte, Upa H.Ronghaka leh Pu C.V.L.Tlanhlua ten an buaipui. Thlangtu member 111 an inkhawm. Ni 21/12/2011 (Nilai) zan khan inthlanpuitute nen Chanvo hetiang hian an insiamrem tih facebook (vaivakawn group)-ah tarlan a ni:
Vaivakawnah Mihring 3976 an awm
Kum 2011 Chhiarpuia a lan danin Vaivakawnah Mihring 3976 an cheng a; chhungkaw 855 an awm bawk. Tunhnaia Mizoram Census Paper -I (Provisional) tlangzarha a lan dan chuan Mizoramah mihring 10,91,014 kan awm. Heng zinga 5,52,339 chu mipa niin, 5,38,675 chu hmeichhia an ni. Vaivakawn vengchhungah mi 3976 an awm a, chhungkua (households) hi 855 an awm bawk.